شبكة سيدات مصر | تحيا مصر

العودة  
اسم العضو
كلمة المرور
مركز تحميل الصور القرآن الكريم ابتسامات سيدات مصر التسجيل البحث مشاركات اليوم اجعل كافة الأقسام مقروءة

دردشة ومواضيع عامة الحوارات العامة والمواضيع والنقاشات والقضايا الساخنة وحوارات التوك شو


رجــال من المريخ و نســـاء من الزهـــرة

الرجال من المريخ والنساء من الزهرة مبدئياً عاوزين نتفق إن الرجال مختلفين عن النساء وده مذكور بنص القرءان: {وَلَيْسَ الذَّكَرُ كَالأُنثَى} (36) سورة آل عمران

إنشاء موضوع جديد إضافة رد
كاتب الموضوع soka مشاركات 9 المشاهدات 1529  مشاهدة صفحة طباعة الموضوع | أرسل هذا الموضوع إلى صديق | الاشتراك انشر الموضوع
 
أدوات الموضوع انواع عرض الموضوع
قديم 11-14-2010, 07:03 PM   #1
soka
ليدي فوق الممتازه
Avatar Yok
تاريخ التسجيل: Dec 2009
المشاركات: 2,546
المواضيع:
رجــال من المريخ و نســـاء من الزهـــرة

     
 




الرجال من المريخ والنساء من الزهرة


مبدئياً عاوزين نتفق إن الرجال مختلفين عن النساء

وده مذكور بنص القرءان:

{وَلَيْسَ الذَّكَرُ كَالأُنثَى} (36) سورة آل عمران



وكمان معروف بالملاحظة ..

* يعني مثلا الرجل لو راكب العربية وتايه ...

ممكن يفضل يلف يلف ساعتين تلاتة لحد ما يتأكد تماماً إنه تاه.. فيضطر ساعتها أنه يسأل عن

الطريق ... وبالذات لو زوجته قاعدة جنبه...

أما الست لو تاهت فأول حاجة بتعملها أنها تسأل أول واحد تقابله عن الطريق.. مبتلاقيش أي

أنها تطلب المساعدة ...

* الرجال بيهتموا بالمدركات الحسية والأشياء الملموسة أكثر من اهتمامهم بالناس والمشاعر ..

عكس النساء اللي بتهتم قوي بالعلاقات

ومشاعرها تجاه الأخرين ومشاعر الآخرين تجاهها ...

فتلاقي النساء بتحلم بالحب والرومانسيات بينما تلاقي الرجل بيحلم بعربية موديل جديد

أو كمبيوترأكثر سرعة والآلات والتكنولوجيا الحديثة ..

* المرأة لو نازلة تشتري حاجة لازم تبقى في قمة الأناقة أما الراجل مبيهتمش بأناقته إلا لو رايح مكانين ...فرح أو عزاء ...

* كمان نسبة كلام السيدات إلى كلام الرجال 2:7 يعنى مقابل كل سبع كلمات بتقولهم الست الراجل بيقول كلمتين وبس!!

أنواع الاختلافات:

1. اختلاف تجاه إسداء النصيحة

2. اختلاف في العواطف

3. اختلاف في رد الفعل للتوتر والضغط

4. اختلاف في اللغة

5. اختلاف في الحاجات السيكولوجية

طب إيه حكاية المريخ والزهرة؟

الكتاب بيحكي عن وقت من الأوقات كان كل الرجال عايشين على كوكب المريخ

.. وكل النساء عايشين على كوكب الزهرة... وفي مرة كانوا

الرجال بيتفرجوا على الكون من التليسكوبات بتاعتهم (أيوة في المريخ كل واحد عنده تليسكوب )...

فاكتشفوا كوكب الزهرة.. واكتشفوا

كائنات جديدة ما شافوهاش قبل كدة .. ماكنتش بتعيش على المريخ ..

وبدأوا يحسوا تجاههم بمشاعر ماكانوش بيحسوا بيها قبل كدة ...

ببساطة وقعوا في الحب .. فبسرعة ركبوا سفن الفضاء بتاعتهم ...

(أيوة في المريخ كل واحد عنده سفينة فضاء ) ... وطاروا على كوكب


الزهرة..


أهل الزهرة هما كمان سعدوا جداً بزيارة أهل المريخ ورحبوا بيهم

.. وكانوا بفطرتهم عارفين ان اليوم ده حييجي وكانوا منتظرينه ... وكانت

الأمور بينهم على ما يرام .. وعلى الرغم من أنهم من كوكبين مختلفين ..

إلا أن سكان كل كوكب كانوا مهتمين جدا انهم يتعلموا كل شئ عن

عن سكان الكوكب الآخر.. احتياجاتهم المختلفة.. سلوكياتهم ..مفردات لغتهم ... الخ


وعاشوا سنوات مع بعضهم في حب وانسجام ...


وبعدين قرروا يسافروا يقضوا أجازة على كوكب الأرض ..

لكن تأثير جو الأرض غلب عليهم ...

لحد ما جه يوم صحيوا من النوم وهما بيعانوا

جميعاً من فقدان ذاكرة.. نسي أهل المريخ وأهل الزهرة أنهم اساسا كانوا من كواكب مختلفة وظنوا أنهم أساسا من كوكب الأرض

... بدأت

تظهر الخلافات بينهم ..


إيه أشهر الشكاوي اللي بدأ كل طرف يشكوها من الطرف الآخر؟

• كل النساء بتشتكي من الرجال في انهم ماعندهمش أي إحساس ومش رومانسيين خالص ومش بيعرفوا يسمعوا بتعاطف.

• أما الرجال فبتشتكي من النساء إنهم مش بيشغلوا دماغهم – مفيش أي منطق في كلامهم – مزعجين وزنانين جدا –

بيتكلموا كتير قوي...




طيب إيه الأخطاء اللي وقع فيها النساء والرجال خلت الفكرة عنهم عند الطرف الآخر كدة؟

فــى الرد الجاى بأذن الله ؟؟:s1:



الموضوع الأصلي: رجــال من المريخ و نســـاء من الزهـــرة || الكاتب: soka || المصدر: سيدات مصر

أزياء، طبخ، كروشيه، برامج، ديكور، ازياء محجبات، فساتين عرايس، ،تريكو، تطريز، مطبخ، حنة، تاتو، لانجيري،ق مصان نوم



v[JJhg lk hglvdo , ksJJJhx hg.iJJJvm


v[JJhg lk hglvdo , ksJJJhx hg.iJJJvm

التوقيعلا يوجد توقيع لهذا العضو
soka غير متواجد حالياً   رد مع اقتباس
قديم 11-14-2010, 08:37 PM   #2
soka
ليدي فوق الممتازه
Avatar Yok
تاريخ التسجيل: Dec 2009
المشاركات: 2,546
المواضيع:
افتراضي رد: رجــال من المريخ و نســـاء من الزهـــرة !!

     
 


طيب إيه الأخطاء اللي وقع فيها النساء والرجال خلت الفكرة عنهم عند الطرف الآخر كدة؟


دكتور جون جراي أطلق على النساء والرجال ألقاب - السيد الخبير و لجنة تحسين البيت - إشارة إلى بعض الأخطاء اللي بيعملوها الاتنين..


من أخطاء الرجال
* من أخطاء الرجل أنه لما زوجته مثلا تيجي تحكي له عن مشكلة بتعاني منها فيبتدى الراجل يلبس قبعة السيد الخبير ويحاول

يحل لها المشكلة.. هو متعود على كدة..

لما بيبقى عنده مشكلة مش بيحكي عنها لحد إلا لو فعلا محتاج حل ..

لكن في الحقيقة الزوجة مش بتبقى عاوزة الحل ..

لأن هي غالبا بتبقى عارفة الحل.. هي عاوزة بس حد يسمع .. حد يهتم ..

حد يشاركها في مشكلتها .. حد يحسسها أنه حاسس بيها..

يعني مثلا.. زوجة راجعة من الشغل .. بتتكلم مع زوجها..



الزوجة : أنا تعبت جدا.. الشغل بقى كتير قوي قوي.. مبقيتش عارفة ألاحق عليه..

الزوج : خلاص لو تعبانة سيبي الشغل واقعدي في البيت..

الزوجة : بس أنا بحب شغلي ومش عاوزة أسيبه.. هو بس الشغل زاد قوي اليةمين دول ... وهما متخيلين أني اقدر أعمل كل حاجة في وقت واحد ..

الزوج : سيبك منهم ... اعملي اللي تقدري عليه وسيبي الباقي ...

الزوجة : أيوة ما أنا باعمل كدة فعلاً.. لكن المشكلة اني مش عارفة الاقي وقت لحاجة خالص .. أنا حتى مش عارفة أسأل على عمتي العيانة واللي كان المفروض أزورها وأبقى جنبها..

الزوج : متقلقيش هي عارفة ظروف شغلك وحتقدر ..

الزوجة : مش مسألة تقدر .. الفكرة انها فعلا محتاجالي .. هو انت ليه دايماً مابتسمعنيش؟

الزوج : أنا باسمعك أهو..

الزوجة : على العموم مش فارقة ...



انتهى الموقف على التالي :

الزوجة متضايقة جدا .. لأن الزوج لم يشعرها بالتعاطف المطلوب اللي هي عاوزاه..



والزوج أيضا محبط جدا لأنه حاول يعبر لها عن اهتمامه بمشاكلها بأنه يحاول يوجد لها حلول لهذه المشاكل لكنه لم يجد أي تقدير لذلك من جانبها..

لكن لو عرف كل منهما احتياجات الآخر وفكر من وجهة نظر الطرف الآخر مش وجهة نظره هو ... كان الزوج أدرك أن الزوجة في اللحظة دي مش عاوزة حد يفكر معاها.. لكن عاوزة حد يحس بيها.. يحس بتعبها وباللي تعانيه.. ويقدّر ده .. وانه مش مفروض يقدم لها حل إلا إذا هي طلبت الرأي والمشورة بشكل صريح...

*الرجال لا ينصتوا إلى زوجاتهم بالتعاطف المطلوب...

زي ما قلنا نسبة كلام السيدات إلى الرجال 7 : 2.. فهي بتتكلم بتتكلم

بتتكلم وهو بيسرح فبتحس انه مش مهتم بيها...

* من أخطاء الرجال أيضا ..أنهم لما يبقى في خلاف بينهم وبين زوجاتهم .. يبتدي الراجل يشرح ليه هو مش غلطان وليه هي مش مفروض أصلاً تزعل ومالهاش حق تكون تكون متضايقة ويبتدي يكلمها بالمنطق.. وده خطأ...ليه؟... لأن جهاز استقبال السيدات مش مهيأ لاستقبال المنطق ومهيأ لاستقبال المشاعر اكتر ... وبالذات في لحظات الغضب ...



والمنطق والمشاعر لا يجتمعان.. القلب والعقل لا يجتمعان .. العقل ممكن يحلل ويشوف ويتفهم .. القلب أحيانا كتير يكون عنيد واللي في دماغه في دماغه ... فغالباً يتصاعد الخلاف..

من أخطاء السيدات:

** دائما النساء تعامل الرجال على أنهم محتاجين تعديل في السلوك.. فتبدأ تشكل من نفسها لجنة تحسين البيت.. فتبتدي تديله توجيهات:

"اغسل ايديك قبل ما تاكل"
"ماينفعش تنام من غير ما تاخد دش"
"شعرك طول ومحتاج يتحلق"
"حتكلم اختك امتى عشان اتكلمت 3 مرات؟"
"مش شايف ان بقالك فترة مبتقعدش مع الولاد"

فتظهر كأنها بتدى نوع من التعليمات... وده بيضايق الراجل جداً.. هي من وجهة نظرها ده تعبير عن الحب والاهتمام .. هي

عاوزة تشوفه أحسن راجل في الدنيا .. فبتحاول تعمل منه الصورة دي .. لكن هو بيترجم ده بشكل آخر.. لأن الرجل دايما بيبحث

عن الثقة والتقدير والاحترام .. يحب يحس أنه سوبرمان في عيون زوجته .. فاستخدامها لأسلوب تعديل السلوك بيصيبه بالإحباط

.. بيحسسه انها شايفاه مش قد كدة ... وانه في نظرها مش سوبرمان ولا حاجة .. فبالتالي لا يحصل على التقدير الكافي اللي هو

محتاجه.. فيبدأ يضايق منها ويعاند معاها وتدب المشاكل ...

و تصاب هي أيضاً بإحباط .. وتبدأ تشعر أنه مش مقدر انها بتحبه

وانها بتحاول تعبر عن حبها له بهذه الطريقة..

** السيدات دائما تبحث على ما لم يفعله الرجل من أجلها ..

وليس على ما فعله من أجلها بالفعل.. كان المفروض يعمل ايه ومعملوش..

ويا بنات محدش يزعل مني االكلام ده ثابت فى السنة - الحديث : عن ابن عباس أن النبي صلى الله عليه وسلم قال : ( أُريت النار فإذا أكثر أهلها النساء؛ يكفرن) قيل: أيكفرن بالله ؟ قال : (يكفرن العشير، ويكفرن الإحسان)...

يعني أنا براءة

** من أخطاء السيدات أيضا أنها ما بتبقاش مباشرة في كلامها..

مش بتقول اللي هي عاوزاه بشكل غير مباشر..

يعني مثلا لو عاوزة تلفت نظر زوجها لحاجة محتاجاها..

تبدأ تتكلم بأسلوب : "شفت فلانة وفلان.. بيحبها قوي وبيعمل لها كذا وكذا" ... وهكذا

... بصورة غير مباشرة ... ولما بتحب تشتكي بتدي ايماءات أو ايحاءات مش بصورة مباشرة ..

الراجل مش بيترجم ده ومش بيفهم الإشارات الغير مباشرة دي ..

فممكن جداً يفهم غلط أو ميفهمش خالص هي تقصد تقول إيه ..

فتلاقي منه رد فعل غير اللي هي عاوزاه ... فتحبط ..

هذه الأخطاء الشائعة سببها أننا مختلفين ...

وده من حكمة ربنا سبحانه وتعالى أنه أراد لنا هذا الاختلاف ..

لأن كل منا مخلوق له دور مختلف عن الآخر وإن كان متكامل معاه ..

لذلك أرد الله سيحانه وتعالى إن المشاعر عند السيدات تكون أعلى بكتير من الرجال

علشان يقدر كل منهم يقوم بدوره اللي خلق علشانه ..

علشان تقدر الست تبقى أم وتبقى زوجة حنونة ..

وعلشان الزوج يقدر يقوم بمسئولية القوامة وتبعاتها من مسئولية عن الإنفاق على البيت

وحل مشكلات أفراده وتوجيههم وإرشادهم فعلشان كدة المنطق عنده أعلي بكتير..

يبقى الحل مش اننا نتغير.. أو نحاول نغير الطرف الآخر..

الحل إننا نفهم إننا مختلفين ونبتدي نتعامل مع هذه الاختلافات ..

كل طرف يحاول يفهم الطرف الآخر من وجهة نظر هذا الآخر وليس من وجهة نظره هو..

طيب إيه هي أنواع الاختلافات دي بالتفصيل؟


في الرد القادم إن شاء الله


التوقيعلا يوجد توقيع لهذا العضو
soka غير متواجد حالياً   رد مع اقتباس
قديم 11-14-2010, 10:13 PM   #3
moonface
ليدي فوق الممتازه
Avatar Yok
تاريخ التسجيل: Aug 2010
المشاركات: 3,994
المواضيع:
افتراضي رد: رجــال من المريخ و نســـاء من الزهـــرة !!

     
 
التوقيعلا يوجد توقيع لهذا العضو
moonface غير متواجد حالياً   رد مع اقتباس
قديم 11-14-2010, 11:59 PM   #4
نوسة عجيبة
الفقيده الغالية رحمة الله عليها
Avatar Yok
تاريخ التسجيل: Apr 2010
المشاركات: 6,477
المواضيع:
افتراضي رد: رجــال من المريخ و نســـاء من الزهـــرة !!

     
 
تسلمى ياسوكا ياحبيبتى فعلا الكتاب ده ممتاز وبيناقش موضوعات كتيرة ومختلفة عن النساء والرجال
وياريت الكل يقرأة تسلم الايادى ياسكرة وكل سنة وانتى طيبة وعيد سعيد عليكى
التوقيعلا يوجد توقيع لهذا العضو
نوسة عجيبة غير متواجد حالياً   رد مع اقتباس
قديم 11-15-2010, 01:11 AM   #5
شموع
Avatar Yok
تاريخ التسجيل: Apr 2010
المشاركات: 11,008
المواضيع:
افتراضي رد: رجــال من المريخ و نســـاء من الزهـــرة !!

     
 
تسلمى وانا سمعت عن الكتاب بس انتى شجعتينى اقراه

التوقيعلا يوجد توقيع لهذا العضو
شموع غير متواجد حالياً   رد مع اقتباس
قديم 11-15-2010, 07:14 AM   #6
داليا مودي
ست الستات
Avatar Yok
تاريخ التسجيل: Mar 2010
المشاركات: 72,165
المواضيع:
افتراضي رد: رجــال من المريخ و نســـاء من الزهـــرة !!

     
 
عودا حميدا ياسوسكا
أيوة كده ياقمر
والله وحشتيني ووحشتني مواضيعك اللي زي السكر

وفعلا كتاب متميز ياحبي




التوقيعلا يوجد توقيع لهذا العضو
داليا مودي غير متواجد حالياً   رد مع اقتباس
قديم 11-15-2010, 10:35 PM   #7
soka
ليدي فوق الممتازه
Avatar Yok
تاريخ التسجيل: Dec 2009
المشاركات: 2,546
المواضيع:
افتراضي رد: رجــال من المريخ و نســـاء من الزهـــرة !!

     
 
اقتباس:
المشاركة الأصلية كتبت بواسطة moonface مشاهدة المشاركة
نورتى يا مووووووون يا عسووولة
التوقيعلا يوجد توقيع لهذا العضو
soka غير متواجد حالياً   رد مع اقتباس
قديم 11-15-2010, 10:36 PM   #8
soka
ليدي فوق الممتازه
Avatar Yok
تاريخ التسجيل: Dec 2009
المشاركات: 2,546
المواضيع:
افتراضي رد: رجــال من المريخ و نســـاء من الزهـــرة !!

     
 
اقتباس:
المشاركة الأصلية كتبت بواسطة شموع مشاهدة المشاركة
تسلمى وانا سمعت عن الكتاب بس انتى شجعتينى اقراه

تسلميلى على ردك يا شمعتى يا منوووورة
التوقيعلا يوجد توقيع لهذا العضو
soka غير متواجد حالياً   رد مع اقتباس
قديم 11-15-2010, 10:37 PM   #9
soka
ليدي فوق الممتازه
Avatar Yok
تاريخ التسجيل: Dec 2009
المشاركات: 2,546
المواضيع:
افتراضي رد: رجــال من المريخ و نســـاء من الزهـــرة !!

     
 
اقتباس:
المشاركة الأصلية كتبت بواسطة داليا مودي مشاهدة المشاركة
عودا حميدا ياسوسكا
أيوة كده ياقمر
والله وحشتيني ووحشتني مواضيعك اللي زي السكر

وفعلا كتاب متميز ياحبي




و الله انتى اللى وحشتيييييييييييييييييييييييييينى اوووى يا دولى
و وحشتنى ردودك الجااااامدة دى مااتحرمش منك يا جميييلة
التوقيعلا يوجد توقيع لهذا العضو
soka غير متواجد حالياً   رد مع اقتباس
قديم 11-15-2010, 10:39 PM   #10
soka
ليدي فوق الممتازه
Avatar Yok
تاريخ التسجيل: Dec 2009
المشاركات: 2,546
المواضيع:
افتراضي رد: رجــال من المريخ و نســـاء من الزهـــرة !!

     
 
طيب إيه هي أنواع الاختلافات دي بالتفصيل؟

الاختلاف الأول

1 - أول اختلاف هو الاختلاف في رد الفعل تجاه تقديم المساعدة وإسداء النصيحة:


والفرق ده بنوضحه في قصة رمزية بتحكي عن فارس مغوار راكب فرسه وشايل درعه وسيفه وماشي فسمع صوت واحدة بتستغيث .. دوّر على مصدر الصوت... لقى أميرة بتستغيث من شباك قصرها وتنين كبير أمام القصر بيحاول يهاجمه.. الفارس بمنتهى السرعة رفع سيفه وهجم على التنين وقتله وأنقذ الأميرة .. الأميرة فرحت جداً.. وفتحت له باب القصر ودخلته وعملوا حفلة كبيرة قوى احتفالاً بنجاة الأميرة.. والفارس كان سعيد جداً وفضل في الليلة دي يلمع في درعه بتاعه بفخر واعتزاز.. و بعدها اتجوزوا وعاشوا في تبات ونبات ...

شويتين تلاتة أربعة.. خرج الفارس في رحلة .. وهو راجع للقصر سمع صوت استغاثة الأميرة تاني .. بص لقى تنين تاني بيهاجم القصر والأميرة بتستغيث من فوق .. لسة بيمد إيده علشان يطلع السيف من غمده نادت عليه الأميرة وحدفت له حبل .. وقالت له: "خد الحبل ده أحسن من السيف اخنق بيه التنين" .. الفارس فعلا أخد الحبل وخنق بيه التنين وأنقذ الأميرة للمرة التانية.. وعملوا برضه حفلة كبيرة احتفالاً بنجاة الأميرة .. لكن الحقيقة الفارس في الليلة دي مكانش مبسوط قوى.. حتى مكانش له نفس يلمع الدرع بتاعه..

شويتين تلاتة أربعة.. خرج الفارس في رحلة تانية ..
بس قبل ما يخرج الأميرة قالت له : " قبل ما تمشي ... خد معاك الحبل .. احتياطي .. محدش ضامن الظروف " .. الفارس خرج في رحلته وبعدين وهو راجع للقصر اتكرر نفس السيناريو ... سمع صوت استغاثة الأميرة تاني .. بص لقى تنين تاني بيهاجم القصر والأميرة بتستغيث من فوق .. الفارس بدأ يفكر.. معاه سيف ومعاه حبل... يستعمل انهي فيهم؟... في لحظة التردد دي قدر التنين يلسعه لسعة في دراعه ... قامت الأميرة من فوق حدفت له إزازة سم ... وقالت له " بص... خد إزازة السم دي احسن بكتير من السيف والحبل".. الفارس فعلا أخد إزازة السم وموت بيه التنين وأنقذ الأميرة للمرة التالثة.. وكالعادة عملوا برضه حفلة كبيرة احتفالاً بنجاة الأميرة .. لكن الحقيقة الفارس في الليلة دي كان مخنوق جدا ومقدرش يستمتع بالحفلة.. ومهتمش أساساً أنه يدوّر على الدرع بتاعه علشان يلمعه ..

شويتين تلاتة أربعة.. خرج الفارس في رحلة من رحلاته.. وبرضه قبل ما يخرج الأميرة قالت له: " قبل ما تمشي. خد معاك الحبل وإزازة السم .. احتياطي .. محدش ضامن الظروف" .. الفارس خرج في رحلته ... وهو ماشي حصلت حاجة تانية... سمع صوت واحدة بتستغيث برضه.. بس المرة دي كانت استغاثة أميرة تانية من شباك القصر بتاعها وبرضه كان في تنين تاني بيهاجم قصرها.. الفارس بدأ يفكر.. معاه سيف ومعاه حبل ومعاه إزازة سم... يستعمل انهي فيهم؟... وفجأة... افتكر حاجة.. افتكر انه في يوم من الأيام هزم التنين بالسيف لوحده .. بدون الحاجة لأدوات أخرى.. وفعلاً طلع سيفه.. وقتل التنين.. وأنقذ الأميرة .. الأميرة فرحت جداً.. وفتحت له باب القصر ودخلته... ودخل الفارس قصرها واتجوزها وعاش معاها سعيد.. بس قبل ما يدخل اتأكد تماما انها لا تعرف الحبال ولا قزايز السم ولا بتفهم فيهم...



ملحوظة :

التنين كان معاه تنين صغير بيبي والفارس مرضيش يقتله وقاله " لك عوزة " .. وأخده معاه و ربّاه (خليكوا فاكرين التنين الصغير ده علشان حنرجع له تاني بس قدام شوية)..



نخرج من القصة الطويلة دي بإيه؟

في فرق كبير بين أهل المريخ وأهل الزهرة في تقديم المساعدة .. أهل الزهرة بيقدروا الجمال والحب والتعاطف والمشاركة والاهتمام .. أول ما تنزل كوكب الزهرة تلاقي عندهم يافطة كبيرة في استقبالك مكتوب عليها Sharing is Caring وبالتالي تقديم المساعدة في هذا الكوكب مقبول جدا ومعناه انك بتحبهم..

في المريخ الموضوع مختلف تماما... يقدر الرجل القوة والقدرة والكفاءة والإنتاج والنتائج.. أي حاجة بتقلل منها بتنتقص جدا من رجولته وبياخدها قوي على كرامته.. حتي لو كانت نية الشخص اللى بيحاول يقدم المساعدة سليمة.. وبالتالي تقديم المساعدة للرجال مشكلة كبيرة جدا.. لأنه بيفهمها انتقاص من قدرته ..


ولأن تقديم المساعدة مهم جدا في كوكب الزهرة فتبتدي الست تقدم المساعدة للرجل ومتفهمش هو ليه متضايق..


الغلطة هنا ان كل واحد بيدي للتاني الحاجة اللي هو محتاجها مش الحاجة اللي الطرف التاني محتاجها..
زي بالظبط بنت عندها قطة.. وهي بتحب القطة جداً.. وبتحب برضه الشوكولاتة جداً...
فمصرّة تأكّل قطتها شوكولاتة.. لكن القطة ما بتاكلش شوكولاتة...
رغم ان الشوكولاتة حلوة جداً.. بس القطة ما بتحبهاش...


يبقى لو بنحب حد الصح اننا نديله الحاجة اللي هو بيحبها مش اللي احنا بنحبها..


ومش شرط رأي الست يكون غلط... زى قصة التنين... الأميرة الأولى كان دايماً رأيها صائب.. لكن للأسف الفارس سابها وعاش مع الأميرة التانية.. لمجرد أنه وجد عندها الثقة والتقدير والاحترام والإعجاب..


من أخطاء بعض السيدات هنا أنها أحياناً تنتقص من قدره بالقصد... دايماً تحسسه بالتقصير.. وأنه مش مكفي الطلبات.. ومش قادر يدير البيت.. ومش عارف يربي العيال.. وهكذا.. وده خطأ شنيع..


الحل:

سيبي زوجك يفكر ويغلط ويتعلم من الغلط ويفضل يحبك بدل ما تقوديه أنت إلى

بر الأمان لكن يفضل قلبه مليان منك أو يروح لأميرة تانية..

متقدميش النصيحة إلا لو هو طلب النصيحة... لكن قبل كدة بثانية واحدة.......لأ
التوقيعلا يوجد توقيع لهذا العضو
soka غير متواجد حالياً   رد مع اقتباس
إنشاء موضوع جديد إضافة رد
كاتب الموضوع soka مشاركات 9 المشاهدات 1529  مشاهدة صفحة طباعة الموضوع | أرسل هذا الموضوع إلى صديق | الاشتراك انشر الموضوع

مواقع النشر (المفضلة)

مواضيع ذات صله دردشة ومواضيع عامة


أدوات الموضوع
انواع عرض الموضوع

الانتقال السريع

المواضيع المتشابهه للموضوع: رجــال من المريخ و نســـاء من الزهـــرة
الموضوع كاتب الموضوع المنتدى مشاركات آخر مشاركة
غاية المريد في علم التجويد اووشا صوتيات إسلامية 4 10-29-2011 08:41 PM
سجن فى المريخ للشاعر سيد الموجى miss_romantic الركن الأدبي - الفنون 3 06-28-2011 10:10 AM
منـــازل بلا رجــال مهينار ركن مخطوبات سيدات مصر 7 09-05-2010 03:45 PM
هجوم المريخ على أرض مصر داليا مودي دردشة ومواضيع عامة 15 07-13-2010 06:04 PM
اروووع رجــال الارض من يعيش بعقل رجل وقلب امرأه توتى وشيكو دردشة ومواضيع عامة 5 03-09-2010 02:26 AM

سيدات مصر ازياء ازياء محجبات عبايات لانجيري مكياج ديكور تريكو تسريحات فساتين غرف نوم كوش مكياج عرايس اكسسورات انتريهات وصفات طبخ

facebook

RSS RSS 2.0 XML MAP HTML

الساعة الآن 12:03 PM


Powered by vBulletin® Copyright ©2000 - 2014, Jelsoft Enterprises
التعليقات المنشورة لا تعبر عن رأي موقع سيدات مصر ولا نتحمل أي مسؤولية قانونية حيال ذلك (ويتحمل كاتبها مسؤولية النشر)
This Forum used Arshfny Mod by islam servant
أضف اعجاب لسيدات مصر