شبكة سيدات مصر | تحيا مصر

العودة  
اسم العضو
كلمة المرور
مركز تحميل الصور القرآن الكريم ابتسامات سيدات مصر التسجيل البحث مشاركات اليوم اجعل كافة الأقسام مقروءة

الفطائر والبيتزا المعجنات والفطائر والبيتزا الشيف شريبني الشيف يسري الشيف أسامة السيد مطبخ منال العالم المقابلات-السلطات المعجنات حلويات


ملف كامل لجميع انواع التورتات بالحشو و التزيين بالصور

اخواتى فى الله كثيرات منكن لا يعلمن طريقه عمل التورتات وتزينها وأنا الان سأضع بين ايدكن ملفى المجمع فمنذ فتره كبيره كل مره اعمل تورته اصورها واتركها واضيف

إنشاء موضوع جديد إضافة رد
كاتب الموضوع lovelyjess مشاركات 3 المشاهدات 53301  مشاهدة صفحة طباعة الموضوع | أرسل هذا الموضوع إلى صديق | الاشتراك انشر الموضوع
 
أدوات الموضوع انواع عرض الموضوع
قديم 01-25-2011, 08:16 PM   #1
lovelyjess
ليدي لهلوبة
Avatar Yok
تاريخ التسجيل: Apr 2010
المشاركات: 5,736
المواضيع:
ملف كامل لجميع انواع التورتات بالحشو و التزيين بالصور

     
 


اخواتى فى الله
كثيرات منكن لا يعلمن طريقه عمل التورتات وتزينها وأنا الان سأضع بين ايدكن ملفى المجمع
فمنذ فتره كبيره كل مره اعمل تورته اصورها واتركها واضيف عليها اى تورته اخرى حتى انزل ملف كامل منها تورتات عملتها فى بيتى ومنها تورتات عملتها ونا فى مصر اجازه عند امى وامى شاركتنى فى تزيينها وهناك تورتات مسحت وحذفت من الميمورى مع شرحها عموما الملف الان
به شرح وافى لكل اشكال التورتات والجاتوه ومختلف التزيين وانواع الحشوات والتغليفات المعلومات والملحوظات
1-بدايه الكيكه الاسفنجيه لا يدخل فى مقاديرها لا زيت ولا زبد ولا لبن ولا عصير
انا استغربت لما لقيت البعض بيضيف لبن او عصير
الكيكه الاسفنجيه مختلفه عن الكيك العادى


2-جميع المقادير المستخدمه بيض او طحين لازم لازم تكون بدرجه حراره الغرفه
يعنى انا دائما بحفظ الدقيق فى التلاجه ولكن قبل ما اعمل الكيكه الاسفنجيه بنص ساعه بخرج البيض والدقيق واوعى تنسى المعلومه دى لانها مهمه جدا حتلاقى قطرات ماء تجمعت على البيض بعد النص ساعه كده تقدرى تستخدمى البيض


3-لو عاوزه الكيك بنكهه البرتقال ضيفى برش برتقاله على البيض بدل الفانيليا وليس عصير البرتقال ولو عاوزه بطعم الفراوله ضيفى روح الفراوله ولكن روح الفواكهه تضاف بعد اضافه الطحين لكن برش البرتقال بيكون مع البيض كبديل للفانيليا


4-الدقيق والنشا والبيكنج باودر اللى حكتبلكم مقاديرهم تحطوهم مع بعض وضرورى جدا جدا تنخلوا الخليط مرتين يعنى حطى البيكنج باودر والنشا على الدقيق وانخليهم سوا ومهم اوى مرتين


5-مهم اوى ان المقادير تكفى صينيه لان لو الخليط اكبر من نص الصينيه يبقى الكيكه حترتفع وتهبط من النص وحتبقى معجنه


6- مهم اوى الفرن يتسخن اثناء تحضيرك للكيك ودرجه الحراره لازم تكون متوسطه لانها لو عاليه او منخفضه حتبقى مشكله والكيكه تبوظ اهم حاجه اظبطى الفرن على درجه 180 واغلقى الفرن لحد ما تنتهى من عمل الخليط
اخواتى معلش انا طولت عليكم بس لازم لازم احكى معاكم بالظبط كل فتفوته لعمل الكيك
واخيرا اللى بيخلى الكيكه مكتومه حاجتين مالهومش تالت الاولى انك مضربتيش البيض المده المحدده ليه وهى ربع ساعه يكون المضرب شغال بدون انقطاع على اعلى سرعه والثانيه انك مضفتيش الدقيق معلقه معلقه ممكن تكونى ضفتيه مره واحده او كميه كبيره كل مره وده بيخلى الكيكه طالعه زى الخبز مكتومه


الان المقادير المظبوطه
طبعا احنا خرجنا البيض والطحين قبل العمل بنص ساعه واول ما نبدا نشتغل نسخن الفرن ونجيب الصينيه ندهنها سمنه وبعدين نحط فيها دقيق اكيد انتوا فاهمين العمليه دى
المقادير دى انا معرفش حتناسبك ولا لا بس عموما وانتى بتصبى الخليط فى الصينيه بتاعتك وطبعا انا معرفش مقاسها يبقى عموما اى خليط لازم يوصل لمنتصف الصينيه لو لقيتى لسه عندك خليط ممكن تحطيه فى صينيه تانيه اهم حاجه للكيك سواء عادى او اسفنجى ان الخليط ميزدش عن نصف الصينيه لانه حيرتفع
المقادير
الكوب المستخدم للدقيق لازم يكون هو هو اللى حتقيسى بيه السكر والنشا
6 بيضات بدرجه حراره الغرفه
كوب الاربع دقيق
كوب الا ربع سكر ناعم مهم يكون حبيباته ناعمه
ربع كوب نشا
ملعقه كبيره بس ممسوحه بيكنج باودر
ملعقه كبيره ممسوحه فانيليا
ربع كوب كاكاو غير محلى
لو عوزاها بيضاء مش بالكاكاو يبقى بدل كوب الا ربع دقيق يبقى كوب واحد فقط وبرده نفس المقادير


سخنى الفرن وبعدين حطى البيض وعليه الفانيليا او بشر البرتقال وعلى اعلى سرعه اضربى البيض والفانيليا لمده دقيقتين وبعدين متفصليش الكهربا عن المضرب وهو شغال بعد الدقيقتين ضيفى السكر مره واحده واحسبى حوالى ربع ساعه على اعلى سرعه فى البدايه حتلاقى المزيج عباره عن رغاوى لكن بعد كده حتلاقى المزيج بقى كريمه وحجمها بقى تلت اضعاف حجم البيض فى الاول لازم يبقى الحجم تضاعف لاننا عاوزين الهوا اللى جعل البيض ينتفخ اول ما تلاقى الخليط تضاعف بعد الربع ساعه شيلى المضرب خالص ومتستخدميهوش تانى فى ناس بتحط الدقيق وتشغل على اقل سرعه وده خطأ كبير جدا جدا الطريقه دى حتخلى الهوا اللى نفخ البيض يخرج تانى ومش حتبقى هشه ابدا
باستخدام معلقه خشبيه ضيفى ملعقه دقيق واحده وقلبى ببطء جدا جدا جدا جدا جدا فى اتجاه واحد اوعى تغيرى الاتجاه او تقلبيها من تحت لفوق وافضلى ضيفى ملعقه دقيق وقلبى مرتين وضيفى الملعقه الاخرى وبرده قلبى تقلبتين بشويش وببطء شديد لازم يفضل الخليط مرتفع لحد ما تخلص ممكن هنا تضيفى روح الفاكهه لو عوزاها بالفراوله او الاناناس بعد ما تخلصى صبى الخليط بشويش وايضا بمنتى البطء فى الصينيه ودخليها الفرن
واياك اياك اياك اياك تفتحى عليها قبل 40 دقيقه بعد اربعين دقيقه اختبريها بعود خشبى لو نضجت طفى النار و اوعى تخرجيها من الفرن خليها جواه لانها لو خرجت وهى سخنه حتتعرض لهواء بارد حتبوظ سبيها فى الفرن بعد ما تقفلي الحراره نص ساعه تقريبا وبعدين خرجيها ان شاء الله لو اتبعتى كل معلومه وطريقه انا كتباها حتلاقى احلى كيكه اسفنجيه عملتيها وكل ما تنجح معاكى افتكرينى وتانى يوم اعمليها بالكريمه وزينيها ولو مستعجله وعوزاها فى نفس اليوم حطيها فى التلاجه 3 ساعات مثلا بس اوعى تحطيها فى التلاجه بعد ما تطلع من الفرن مباشره يارب اكون افادتكم

ملحوظه بخصوص الدريم ويب(الكريم شانتيه )
التورته تحتاج ربع كيلو للتغليف والتزيين او بما يعادل 6 اظرف هناك نوعان نوع بودره يأتى على هيئه علبه كل علبه فيها ظرف او ظرفان والنوع التانى على شكل كريمه الطبخ بالنسبه للباودر لمن تستخدم باودر بالكيلو مثلا يبقى كل كوب كريمه باودر معها فنجان الا ربع لبن مثلج ونخفق ولو عاوزاها بالشيكولاته ضيفى كاكاو وزودى اللبن بسيط اما فى حاله الأظرف الجاهزه نصيحه منى لا تتبعى التعليمات المكتوبه على ظهر الظرف لان الكريمه حتبقى سائله نصيحتى لك هى لكل ظرفان باودر ضعى فنجان الا ربع فقط لبن مثلج وملعقه كبيره ممتلئه من النشا (الكورن فلاور )وحتحصلى على احلى كريمه متماسكه وضعيها فى التلاجه فتره حوالى نص ساعه قبل البدء بالتغليف والتزيين اما كريمه الطبخ المخصصه ايضا للحلويات اتبعى نفس ماهو مكتوب عالعلبه بالظبط لا تقلقى
الان ما قراتموه هو اساسيات عمل الكيكه الاسفنجيه ولكن
ولكن
ولكن
انا شخصيا احب اضافه الزيت او الزبده لعمل اى كيكه ودى راجعه للذوق الشخصى وغالبا تورتاتى تتنوع مابين كيك اسفنجى وكيك عادى ونا شايفه ان الكيك العادى مناسب كمرحله اولى تقدرى تتعلمى الاول ازاى تعملى تورته وبعدها تنتقلى للكيكه الاسفنجيه ومقادير الكيك العادى لمن تريد هى كوب ونصف دقيق منخول مضاف له ملعقه ونصف صغيره بيكنج باودر _ كوب الا ربع سكر عادى _ نصف كوب زيت او زبد _نصف كوب زبادى _3 بيضات حجم كبير او اربعه صغير_فانيليا لو اردتى عملها بالشيكولاته انقصى ثلث كوب دقيق وضعى بدلا منه كاكاو باودر غير محلى والان مع طريقه عمل الكيكه الاسفنجيه بالصور كتطبيق لما ذكرته سابقا
هنا الطحين والكاكاو والنشا والبيكنج باودر


كامل لجميع انواع التورتات بالحشو 120358.png


نقوم بنخلهم كما ذكر سابقا



كامل لجميع انواع التورتات بالحشو 120359.png



ونتركهم جانبا نقوم بضرب البيض والفانيلا حوالى دقيقتان وبعدها قومى بأضافه السكر






نقوم بالخفق لمده ربع ساعه على اعلى سرعه الى ان يتحول الخليط للشكل الكريمى ويكون أضعاف حجم البيض





كامل لجميع انواع التورتات بالحشو 120360.png









بعد ذلك نقوم باضافه الطحين المنخول ومعه البيكنج باودر والكاكاو ملعقه ملعقه ونقلب كما ذكرت فوق


كامل لجميع انواع التورتات بالحشو 120361.png


والان الخليط اصبح جاهز ونصبه فى الصينيه




كامل لجميع انواع التورتات بالحشو 120362.png



ونتبع طريقه الخبز والتى شرحتها سابقا وهاهى شكل الكيكه بسم الله ماشاء الله دى بالشيكولاته


كامل لجميع انواع التورتات بالحشو 120363.png




وواحده أخرى بيضاء بالفانيليا






كامل لجميع انواع التورتات بالحشو 120364.png

هذا هو اساس عملها ننتقل الان الى المراحل الأخرى الا وهى الحشو والتزيين الان سيكون معنا كيكه فكيف نقطعها؟؟؟؟؟؟؟؟
انا افضل تقطيعها بالخيط بدلا من السكين طبعا بعد مابردت تماما
ونقطعها هكذا نلف الخيط حول الكيكه ونوسطه جيدا ويكون هكذا





ثم نقوم بوضع الخيط على شكل حرف xهكذا


كامل لجميع انواع التورتات بالحشو 120365.png


ونمسك الطرف الايمن بيدنا اليسرى وطرف الخيط الايسر بيدنا اليمنى يعنى العكس ونشد الخيط ونفضل ماسكينه بقبضه ايدنا ونشد


كامل لجميع انواع التورتات بالحشو 120366.png


سنجدها بتقطع ومظبوطه ان شاء الله مائه بالمائه وهنا الحشو انا استخدمت كما فى الصورهدريم ويب باودر وفواكهه وشيكولاته مبشوره



كامل لجميع انواع التورتات بالحشو 120367.png

وطبعا الصور شارحه نفسها وضعت ملعقتين من سائل الفواكه على الكيكه المقسومه نصفان لتطريتها واضفت جزء من الكريمه وفوقها الفواكهه


كامل لجميع انواع التورتات بالحشو 120368.png


اضفت النصف الاخر وغلفت التورته بالكريمه وبدأت ازينها


كامل لجميع انواع التورتات بالحشو 120369.png




كامل لجميع انواع التورتات بالحشو 120370.png



هنا تورته اخرى عملتها ونا عند والدتى فى مصر واقتراح التزيين كان من ماما هى تقترح وانا انفذ واليكن الشرح والصور طبعا احنا عرفنا طريقه عمل الكيكه فمش محتاجين شرحها تانى



كامل لجميع انواع التورتات بالحشو 120371.png





كامل لجميع انواع التورتات بالحشو 120372.png






كامل لجميع انواع التورتات بالحشو 120373.png






ونا بفضل بعد تغليف التورته اضعها فى التلاجه عشر دقائق تتماسك وارجع ازين تانى
وهنا وضعت فى جوانب التورته شيكولاته فارمسيل حبيبات وممكن تستبدليها بجوز هند او اى مكسرات مفرومه



كامل لجميع انواع التورتات بالحشو 120374.png





نبدأ بوضع الكريمه فى كيس التزيين ونزين هكذا





كامل لجميع انواع التورتات بالحشو 120375.png


ونضيف الفواكهه





كامل لجميع انواع التورتات بالحشو 120376.png



طبعا كملت الاماكن الفارغه بالكريمه واضفت قطع من الكريز الاحمر

وده شكلها ماشاء الله عاليه ومرتفعه




كامل لجميع انواع التورتات بالحشو 120377.png



نأتى لتورته اخرى على شكل مربع


الحشو كريمه الجبنه


مقادير الحشو
كوب كريمه باودر
كوب الا ربع لبن مثلج
ملعقه سكر بودره كبيره
حوالى اربع ملاعق جبنه فلادلفيا وممكن استبدالها باربع قطع كيرى نضرب مقادير الحشو بالمضرب الكهربائى الى ان تتجانس ويمكن اضافه ملعقه لبن لو حبيتى تكون سائله الى حد ما ويمكنك اضافه ملعقتان كاكاو باودر لو عاوزه الحشو بالشيكولاته


هنا سويت الكيكه لأنها مربعه من عند الاطراف


كامل لجميع انواع التورتات بالحشو 120378.png





وقسمتها نصفان وشربت القسم السفلى بعصير او ممكن مربى مخففه بماء



كامل لجميع انواع التورتات بالحشو 120379.png



وزعت الكريمه



كامل لجميع انواع التورتات بالحشو 120380.png







كامل لجميع انواع التورتات بالحشو 120381.png

غلفت الجوانب بجوز هند مبشور ومكسرات


هناك ملحوظه مهمه
ممكن سطح الكيكه معاكى ميكونش مغلف بالكريمه بشكل منسق ومتقن فلا تقلقى الفواكه اللى حتحطيها فوق لن تظهره ومع الوقت ستحترفى التنسيق ان شاء الله




كامل لجميع انواع التورتات بالحشو 120382.png



وبدأت فى التزيين





كامل لجميع انواع التورتات بالحشو 120383.png



وده الشكل النهائى يارب تعجبكن




كامل لجميع انواع التورتات بالحشو 120384.png


وهذه تورته اخرى عملتها ايضا عند والدتى
الحشو
كريمه الشيكولاته البيضاء
مقادير الحشوه
عشر قطع جبنه كيرى وومكن استبدالها بعلبه فلادلفيا
ربع كوب لبن
كوب الا ربع شيكولاته بيضاء مبشوره
(للاخوات اللى فى مصر اكيد عارفين محل درب البرابره او محل العتبه اللى بيتباع فيهم الحلويات الخام والشيكولاته وكل شئ لعمل التورتات والحلويات)
الطريقه يسخن اللبن ويضاف اليه الشيكولاته المبشوره
ونتركها تسيح وتبرد تماما تماما وبواسطه المضرب الكهربائى نضرب كل المكونات السابقه جميعا ونضعها فى التلاجه ربع ساعه قبل التغليف والتزيين اسفه صور طريقه الحشو اتمسحت بس اعتقد الطريقه واضحه وسهله


طبعا عملت الكيكه وقسمتها وحشيتها مثل الطرق السابقه وغلفتها كمان وده التزيين



كامل لجميع انواع التورتات بالحشو 120385.png






كامل لجميع انواع التورتات بالحشو 120386.png





ووضعت فى الجوانب شيكولاته فارمسيل وكريمه هكذا


والان نأتى لتورته اغلبنا بيحبها والتورته دى انا بعتبرها أهم تورته فى ملفى ليه بقى
لأنها اسهل تورته ممكن تتعمل انا انصح كل مبتدئه فى عمل التورتات انها تعملها وحتشوفوا بنفسكم ازاى سهله وازاى روعه
تورته بحشوه الأيس كريم


زى ماقلت التورته دى تنفع المبتدئات وكمان تنفع لو عندك كيك بايت او عملتى كيكه وباظت منك فى الفرن مرتفعتش او هبطت او او اى سبب لفشلها
انا كان عندى كيكه باظت منى فى الفرن وده طبعا شئ وارد انه يحصل وده شكل الكيكه


كامل لجميع انواع التورتات بالحشو 120387.png





واضح جدا انها مش مظبوطه فطبعا مرمتهاش عملت بيها ايه؟؟؟؟؟؟؟؟؟؟؟؟؟؟؟؟
اولا جبت نفس الصينيه اللى غملت فيها الكيكه
وبطنتها بالبلاستيك الشفاف ووضعت فيها حلقات اناناس






كامل لجميع انواع التورتات بالحشو 120388.png

وجهزت ايس كريم ثلاث اكواب كبيره انا استخدمته بالفانيليا وتركته يسيح الا حد ما يعنى خرجته من التلاجه نصف ساعه تقريبا قبل العمل علشان يبقى سهل معايا ووضعت جزء منه على الاناناس هكذا



كامل لجميع انواع التورتات بالحشو 120389.png




وبعدها وضعت فواكهه







طبعا نوع الايس كريم او الحشوه متروك ليكى اختى الكريمه


ثم وضعت جزء من الكيكه قطعتها بنفس الطريقه اللى ذكرتها قبل كده
وشوفو كانت مفتته بس عادى لانها ستجمد مع الايس كريم




كامل لجميع انواع التورتات بالحشو 120390.png


وبعدين وضعت ايس كريم مره اخرى وفواكه وهكذا



كامل لجميع انواع التورتات بالحشو 120391.png




وطبقه اخرى كيك وهكذا ثم نغلق البلاستيك الشفاف عليها ونتركها بهذا الشكل فى التلاجه اربع ساعات مثلا




كامل لجميع انواع التورتات بالحشو 120392.png




وبعد ذلك نضع طبق التقديم فوقها ونقلبها وبعدين نشيل الصينيه وننزع البلاستيك عنها معلش صوره الخطوه دى اتمسحت منى عموما ده شكلها





كامل لجميع انواع التورتات بالحشو 120393.png




لو تلاحظوا انا عملت ايه وضعت عالجوانب فارمسيل لزقت الى حد ما ووضعت داخل كل قطعه اناناس قطعه كريز وومكن تضعى فراوله وزينت بالفارمسيل ايضا وده شكلها من فوق



كامل لجميع انواع التورتات بالحشو 120394.png

ودى قطعه منها




كامل لجميع انواع التورتات بالحشو 120395.png


قد ايه سهله وبسيطه وومكن تعمليها باى شكل انتى عوزاه وممكن تستبدلى الايس كريم بالكريم شانتيه او اى نوع كريمه
هنا انا غيرت شويه فى شكلها


وضعت فى النص فراوله واتبعت نفس الخطوات السابقه بالظبط





كامل لجميع انواع التورتات بالحشو 120396.png





وده شكلها بعد ماقلبتها






كامل لجميع انواع التورتات بالحشو 120397.png

ايه رأيكم بقى يا بنات؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


اتمنى تكون عجبتكن




نأتى الان لتورته اخرى بحشوه مختلفه وهى

تورته بحشوه كريمه الزبده بالشيكولاته



كريمه الزبده كريمه لذيذه وبتدخل فى كتير من التورتات كحشو وتزيين طبعا هى دسمه الى حد ما بس انا بحبها جدا جدا طبعا نجهز كيكه شيكولاته زى ما عملناها فى اول الملف


انا حبيت اعمل تزيين مختلف للتورته من اختراعى وطلع رائع عملت ايه جبت شيكولاته خام مبشوره حوالى كوب ونص ووضعتها فى قدر استانلس وبعدين وضعتها فى طاسه بيها ميه وسيحتها على حمام مائى هكذا




كامل لجميع انواع التورتات بالحشو 120398.png




وبعدين جبت ورق الزبده ووضعت عليه الشيكولاته



كامل لجميع انواع التورتات بالحشو 120399.png



ووزعتها بملعقه فرشتها عالورقه هكذا



كامل لجميع انواع التورتات بالحشو 120400.png



وتركتها حوالى خمس دقائق فى الرف تحت الفريزر تتماسك فقط ولكن لا تجمد حتى يسهل تقطيعها هكذا انا استخدمت شكل النجمه طبعا ننزعها بخفه وبشويش حتى لا تتكسر لانها حتكون لا زالت لينه


كامل لجميع انواع التورتات بالحشو 120401.png



وبعدين نتركها تكمل تجميد فى التلاجه



كامل لجميع انواع التورتات بالحشو 120402.png





نضيف السكر البودره على مرتين ونخفق ثم نضيف الفانيليا والكاكاو واللبن ونخفق جيدا الى ان يتحول الخليط للشكل الكريمى المتماسك



كامل لجميع انواع التورتات بالحشو 120403.png

نتركها فى التلاجه ربع ساعه تتماسك وبعدين نقسم الكيكه ونضع جزء من الكريمه ونا اضفت حبوب الشيكولاته فيها هكذا



كامل لجميع انواع التورتات بالحشو 120404.png


نغلق الكيكه والجزء المتبقى من كريمه الزبده نضيف عليه كوب كريمه مخفوقه مسبقا ونقلبهم معا ونغلف الكيكه ونبدا بتزين الجوانب هكذا



كامل لجميع انواع التورتات بالحشو 120405.png





كامل لجميع انواع التورتات بالحشو 120406.png

كامل لجميع انواع التورتات بالحشو 120407.png



نسيت اقولكم ان بعد ما الشيكولاته النجوم بردت عملت نقط عليها من الشيكولاته البيضاء وتركتها تجمد ايضا وبدأت فى وضعها فوق التورته هكذا




كامل لجميع انواع التورتات بالحشو 120408.png


كامل لجميع انواع التورتات بالحشو 120409.png





بس بعد كده حسيت انى لو وضعت عليها شيكولاته حبيبات حتبقى افضل فرجعتها المطبخ تانى ووزعت عليها الشيكولاته هكذا ايه رأيكن مش كده احلى




كامل لجميع انواع التورتات بالحشو 120410.png





ناتى الان لنوع اخر وتزيين اخر الا وهى

تورته الفراوله بالكريم باتسيير والجناش

بدايه الجناش هو
نوع من الكريمه عباره عن شيكولاته وكريمه خفق وزبده و تحضر وتستخدم بطريقه الصب على التورته او نتركها فتره تجمد فى التلاجه ونضعها فى كيس التزيين ونزين بها
مقادير الجناش
انا استخدمت شيكولاته بيضاء ولونتها
المقادير
كوب ونص شيكولاته مبشوره بيضاء
كوب كريمه لبانى(كريمه الخفق للحلويات)
ملعقه زبده
ملون طعام احمر او اى لون تفضليه
الطريقه نغلى كوب الكريمه ونرفعه من عالنار ونضيف عليه الشيكولاته المبشوره ونتركها تسيح وبعدها نضيف الزبده ونترك الخليط يبرد تماما ولكن لا يتجمد يكون على شكل سائل وبعدها نضيف ملون الطعام نقطه نقطه الى ان نصل للون المطلوب ونتركها جانبا
طريقه كريمه الباتسيير
مقاديرها ثابته انما طريقتها تختلف كلا حسب طريقته وهذه هى اسهل طريقه له
والمقادير هى
كوب وربع لبن
بيضه كامله
صفار بيضتان
ربع كوب سكر بودره
ملعقه كبيره دقيق
ملعقه كبيره نشا
فانيليا
انا وضعت كل المقادير معا فى الخلاط وبعدها وضعتها عالنار مع التقليب المستمر المستمر المستمر مثل المهلبيه الى ان يتكاثف الخليط بعد عشر دقائق تقريبا وننزله من عالنار ونتركه يبرد ونضيف عليه ملعقتان من روح الفراوله وهذا شكله



كامل لجميع انواع التورتات بالحشو 120411.png



نتركه جانبا هو والجناش
ونأتى للتزيين انا استخدمت شيكولاته بيضا وسيحتها فى حمام مائى وقسمتها نصفين نصف تركته ابيض وفردته وعملت نفس الطريقه فى التورته السابقه وقطعته بقطاعه هكذا



كامل لجميع انواع التورتات بالحشو 120412.png


والنصف الاخر لونته بلون احمر بنفس درجه الجناش ايضا


كامل لجميع انواع التورتات بالحشو 120413.png



وفردته ايضا وقطعته بنفس الشكل السابق
الجزء الاحمر نقط عليه شيكولاته بيضا والابيض نقط عليه شيكولاته حمرا اسفه الصوره اتمسحت
نأتى للكيكه
قسمتها نصفين ووضعت الكريم باتسيير




كامل لجميع انواع التورتات بالحشو 120414.png

وقطع من الفراوله هكذا


كامل لجميع انواع التورتات بالحشو 120415.png




وقفلت الكيكه وغلفتها وراعيت ان يكون سطحها املس ومتساو ووضعتها على شبك سلك لانى حصب عليها الجناش ونضع تحتها صينيه او طبق بلاستيكى




كامل لجميع انواع التورتات بالحشو 120416.png



واحضرت ورق بلاستيك ووضعته على منتصف الكيكه هكذا حتى يكون الجناش على نصف منها فقط هكذا


كامل لجميع انواع التورتات بالحشو 120417.png



ونبدأ بصب الجناش


كامل لجميع انواع التورتات بالحشو 120418.png





ونتركه على السلك يصفى وندخله التلاجه يتماسك وهنا بعد ان تماسك





كامل لجميع انواع التورتات بالحشو 120419.png

ونبدا بالتزيين بالوردات اللى عملناها هكذا


كامل لجميع انواع التورتات بالحشو 120420.png



وهذا شكلها النهائى بعد التزيين

كامل لجميع انواع التورتات بالحشو 120421.png






نأتى الان لطريقه عمل تورته بحشوه اخرى وهى

تورته بالفواكهه وكريمه البارفان

كريمه البارفان كريمه رائعه جدا ونا بحب استخدمها كحشوه وهى سهله جدا جدا جدا وشبيهه بالموس الفرق بينهم انها بتكون بالجيلاتين انما الموس حتشوفوه فى التورته القادمه
مقادير كريمه البارفان
كوب ونصف كريم باتسيير محضر (طبعا عرفنا طريقته سابقا)
ظرفان دريم ويب او ثلث كوب
ملعقتان جيلاتين بدون نكهه مذوبان فى ربع كوب ماء ساخن ونتركه يدفأ
ثلاث ملاعق لبن مثلج
فانيليا
ملعقه روح اللوز ويمكن استبداله بروح الفواكهه اى طعم تفضليه
الطريقه نخفق الدريم ويب مع اللبن خفق بسيط ونضيف كوب الكريم باتيسير المعد سابقا ونخفق الى ان يتماسك الخليط ويصبح بقوام الكريمه
نضيف الفانيليا وروح اللوز والجيلاتين ونخفق مره اخرى ونتركه فى الثلاجه ربع ساعه قبل الاستخدام
انا استخدمت كيكه مربعه
قسمتها نصفان ووضعت كريمه البارفان ومعها فواكهه


كامل لجميع انواع التورتات بالحشو 120422.png


ووضعت النصف الاخر من الكيكه واغلقتها وغلفتها بالكريمه

كامل لجميع انواع التورتات بالحشو 120423.png


ونبدأ فى التزيين هكذا


كامل لجميع انواع التورتات بالحشو 120424.png

كامل لجميع انواع التورتات بالحشو 120425.png




وده شكلها النهائى اتمنى يعجبكن التزيين والحشو

كامل لجميع انواع التورتات بالحشو 120426.png

ناتى الان لعمل تورته


بحشوه موس الاناناس


تورته جميله وبسيطه وتنفع للبنوتات الصغيرين زى بنوتى نور كده
طريقه تحضير الموس
كوب ونصف كريم باتسيير محضر مسبقا
كوب ونصف كريمه مخفوقه محضره مسبقا
ربع كوب جيلى اناناس باودر
قطع صغيره من الاناناس
ملعقه مربى اناناس (يمكن الاستغناء عنها باضافه روح الاناناس)
ملعقتان ماء ساخن
الطريقه
نذوب جيلى الأناناس فى ملعقتان الماء ونتركه يدفأ
نضع الكريم باتسيير مع الكريمه المخفوقه مسبقا ومعهم قطع الاناناس الصغيره والمربى
نضيف عليهم الجيلى المذوب

كامل لجميع انواع التورتات بالحشو 120427.png




ونقلب ونتركهم فى الثلاجه حوالى نصف ساعه قبل الاستخدام
انا كنت مجهزه قبلها بيوم كيكه ووضعتها فى قالب على هذا الشكل لانى كنت عوزاها مدوره

كامل لجميع انواع التورتات بالحشو 120428.png



بعد ماتبرد الكيكه تماما نقطعها شرائح هكذا



كامل لجميع انواع التورتات بالحشو 120429.png

ونحضر قالب انا استخدمت قالب العجانه غلفته ببلاستيك لاصق كما فعلت فى تورته الايس كريم سابقا
ونضع شريحه من الكيك

كامل لجميع انواع التورتات بالحشو 120430.png



وجزء من الموس وهكذا شريحه كيك وموس بالتناوب الى ان تكون اخر طبقه عباره عن كيك ونغلق عليها بالبلاستيك هكذا



كامل لجميع انواع التورتات بالحشو 120431.png

وندخلها الثلاجه من اربع الى 6 ساعات او ممكن تتركيها ليله كامله حتى تتماسك تماما


نقلبها على طبق وبه ورق شفاف وننزع عنها البلاستيك



كامل لجميع انواع التورتات بالحشو 120432.png


نأتى بعروسه صغيره ونخلع ملابسها وارجلها الاثنان ونرفع شعرها ونغرسها فى قلب الكيكه هكذا


كامل لجميع انواع التورتات بالحشو 120433.png






ونحضر كريم شانتيه انا قسمته نصفين نصف تركته ابيض والاخر لونته لون وردى ونبدا بالتزيين




كامل لجميع انواع التورتات بالحشو 120434.png



كامل لجميع انواع التورتات بالحشو 120435.png

وهنا نزلت ايدها وفكيت شعرها



كامل لجميع انواع التورتات بالحشو 120436.png


واضفت فراوله مقطعه نصفان

كامل لجميع انواع التورتات بالحشو 120437.png



كامل لجميع انواع التورتات بالحشو 120438.png



ايه رايكم فى التورته دى بنتى اعجبت بيها جدا جدا جدا وكانت عاوزه تحضنها افتكرتها عروسه بالفستان

وها انا الان اقدم لكن اخواتى طريقه عمل

قطع الجاتوه

انا عملت كيكتان مربعتان وقطعت كل واحده نصفين فأصبح عندى اربعه اقسام


كامل لجميع انواع التورتات بالحشو 120439.png


نأخذ اول جزء ونضع عليه الكريمه انا استخدمت دريم ويب



كامل لجميع انواع التورتات بالحشو 120440.png
ووزعت الكريمه هكذا


كامل لجميع انواع التورتات بالحشو 120441.png

ووضعت تانى شريحه من الكيك وفوقها كريمه هكذا الى ان انتهيت من وضع الاربع طبقات
كامل لجميع انواع التورتات بالحشو 120442.png



وبعدها سويت السطح جيدا جدا جدا

كامل لجميع انواع التورتات بالحشو 120443.png


وبعده قمت بتقطيع الاطراف من كل اتجاه بحوالى اتنين سم حتى تكون الاطراف متساويه هكذا

كامل لجميع انواع التورتات بالحشو 120444.png




ثم نقوم بتقطيع الكيك بسكين ويكون بجانبنا طبق به ماء ساخن نقطع ونضع السكين فيه ونكمل تقطيع مره اخر وذلك حتى لا تلتصق الكريمه فى كامل لجميع انواع التورتات بالحشو 120445.png



نقوم بتزيين كل قطعه على حسب الذوق الشخصى انا وضعت شيكولاته مبشوره وقطع اناناس وده اختيارى طبعا



كامل لجميع انواع التورتات بالحشو 120446.png
وصوره اقرب للقطع



كامل لجميع انواع التورتات بالحشو 120447.png
والجزء اللى قطعته علشان اساوى حروف الكيكه لم ارميه بل فتته ووضعته فى كؤوس ووضعت عليه كريمه وشيكولاته مبشوره هكذا





كيكة السور الخشبي الكاكاوي@@@

المقادير


(صينية التشيز كيك المتحرك اصغر واحد)


كامل لجميع انواع التورتات بالحشو 120448.png

حبة كتكات أبوصبعين


كامل لجميع انواع التورتات بالحشو 120449.png


1 بوريو


كامل لجميع انواع التورتات بالحشو 120450.png


قليل من الزبده



كامل لجميع انواع التورتات بالحشو 120451.png



كيكة جاهزة فانيليا


كامل لجميع انواع التورتات بالحشو 120452.png


2قشطة قيمر كي دي دي


كامل لجميع انواع التورتات بالحشو 120453.png


ظرف كريم كراميل

ظرف دريم ويب



كامل لجميع انواع التورتات بالحشو 120454.png

6 حبات جبن كيري


كامل لجميع انواع التورتات بالحشو 120455.png


وللتزيين

مالتيزرز

أو أم أند أمز


كامل لجميع انواع التورتات بالحشو 120456.png



فليك

كامل لجميع انواع التورتات بالحشو 120457.png

الطريقه

تصف اعواد الكتكات على حواف اناء الشيز كيك

بعدين يصف الكيك في قاعدة الصينية

بعدين نفتت واحد بوريو مع قليل من الزبده ويوضع فوق طبقة الكيك

توضع طبقه ثانيه من الكيك

يتم عمل الخلطه بالخلاط 2 قيمر+ 1 دريم ويب + 1 كريم كراميل+ 6 جبن كيري

تصبون الخلطه فوق الكيك

واخر شي يزين بالفليك والمالتيزر

يوضع يالثلاجه ليله كامله قبل التقديم

وبالعافيه




كامل لجميع انواع التورتات بالحشو 120458.png



كامل لجميع انواع التورتات بالحشو 120459.png
كيكة حلوة وجديدة ..واكيد لذيذة


نبدأ بالمقآدير :




كامل لجميع انواع التورتات بالحشو 120460.png


^
زي مآ إنتوا شايفينكامل لجميع انواع التورتات بالحشو 120461.png
بسكوت شآي + نستلة + 2 قشطة + 6 حبآت كيري + حليب + صينيه لتشكيل القآلب كامل لجميع انواع التورتات بالحشو 120461.png
صوص شيكولاتةوهيرشي & كورن فليكس << للتزيين كامل لجميع انواع التورتات بالحشو 120462.png
نأتي إلى الطريقه :


كامل لجميع انواع التورتات بالحشو 120463.png


تفرشي النآيلون عـ صينيه البآيركس
افرشيهآ كويس كامل لجميع انواع التورتات بالحشو 120464.png
وثم كسري نص بآكيت بسكوت أواكثر شوية طبعآ زي ما أنتوآ شآيفين كامل لجميع انواع التورتات بالحشو 120465.png
..
ثم جمعي بآقي المقآدير واتحطيهم في ؟
في الخلآآاااآط < شآطريين كامل لجميع انواع التورتات بالحشو 120461.png
وبعد مايتخلط حطيه فوق ?
البسكوووت < كامل لجميع انواع التورتات بالحشو 120466.png
كمآ هو موضح بالشكل أدنآه>>




كامل لجميع انواع التورتات بالحشو 120467.png

ملآحظه*
هاتشوفى البسكوت طلع على الوش لاتقلقي هذآ طبيعي لخفه وزن البسكوتات << المهم
اقفليه كويس بالنآيلون >>فهمتوني عدل كامل لجميع انواع التورتات بالحشو 120464.png


كامل لجميع انواع التورتات بالحشو 120468.png



وبعدين..؟
تروحي تحطيه بالفريزر الكبيرهـ او الثلاجة بس لمدة اطول شويتين < أعتقد الكل عندهـ فريزر ههههههههه
وتخليه محبوس فى البررد 24 ساعه يعني يوم كامل كامل لجميع انواع التورتات بالحشو 120461.png
والآن نأتي إلى أهم وآخر طريقه
للتزيينكامل لجميع انواع التورتات بالحشو 120469.png
تقلبي القآلب في صينيه التقديم
وإنتي وشطآرتك إقعدي تفنني
تعآلوا نشوف كامل لجميع انواع التورتات بالحشو 120469.png
7
7
7



^


كامل لجميع انواع التورتات بالحشو 120470.png


كامل لجميع انواع التورتات بالحشو 120471.png


كامل لجميع انواع التورتات بالحشو 120472.png



*تدخل الفرن

كامل لجميع انواع التورتات بالحشو 120474.png


***نقسم التورتة الى نصفين

كامل لجميع انواع التورتات بالحشو 120475.png


***نضع على التورتة بعض تقسيمها شوى ماء بسكر

للتزين


3 شوكولاتة جالكسى بالبندق

2 علبة قيمر نستلة (قشطة )

صوص شوكولا جاهز

كيس ونصف كريم شانتية

كاكوووووو

***نصع الشوكولاتة فى حمام مائى الى ان تذوب نضع القشطة وشوى من

صوص الشوكولا الجاهز


كامل لجميع انواع التورتات بالحشو 120476.png


***نضرب الكريم شانتية باللبن ونضع معاة شوى من الكاكو مش كتير

كامل لجميع انواع التورتات بالحشو 120477.png


***نضع الكريم شانتية فى النص على التورتة

كامل لجميع انواع التورتات بالحشو 120478.png



***نضع شوى من صوص الشوكولا الجاهز


كامل لجميع انواع التورتات بالحشو 120479.png


***ونضع النص التانى من الكيكة على الاولانى

***ونسكب على الوجة بتاعة الصوص بتاع الشوكولا الجالسكى


كامل لجميع انواع التورتات بالحشو 120480.png



***زينتها بالكريم شانتية من على الوش


كامل لجميع انواع التورتات بالحشو 120481.png


كلهاالنهائى بس نسيت الصور لكم القطعة اتاكلت علطول


كامل لجميع انواع التورتات بالحشو 120482.png
ياريت تكون عجبتكم


أزياء، طبخ، كروشيه، برامج، ديكور، ازياء محجبات، فساتين عرايس، ،تريكو، تطريز، مطبخ، حنة، تاتو، لانجيري،ق مصان نوم



lgt ;hlg g[ldu hk,hu hgj,vjhj fhgpa, , hgj.ddk fhgw,v hgj.ddk hgj,vjhj hk,hu fhgpa, fhgw,v


lgt ;hlg g[ldu hk,hu hgj,vjhj fhgpa, , hgj.ddk fhgw,v

التوقيعلا يوجد توقيع لهذا العضو
lovelyjess غير متواجد حالياً   رد مع اقتباس
قديم 01-25-2011, 08:17 PM   #2
زهرة العين
ست الستات
Avatar Yok
تاريخ التسجيل: May 2008
المشاركات: 39,490
المواضيع:
افتراضي صور,ازياء محجبات ,الشيف حسن ,ازياء,العاب طبخ ,شات,فساتين ,لانجري,مكياج, اسماء بنات , طبخ

     
 
جزاكى الله خيرا ع المجهود الرائع وفي انتظار كل جديد
التوقيعلا يوجد توقيع لهذا العضو
زهرة العين غير متواجد حالياً   رد مع اقتباس
قديم 01-25-2011, 09:02 PM   #3
طير الحب
ادارية سابقة
Avatar Yok
تاريخ التسجيل: Jan 2010
المشاركات: 10,109
المواضيع:
افتراضي رد: ملف كامل لجميع انواع التورتات بالحشو و التزيين بالصور

     
 
روعه ياسمين تسلمى
طير الحب غير متواجد حالياً   رد مع اقتباس
قديم 01-26-2011, 05:08 AM   #4
ريـ الحجازــم
Avatar Yok
تاريخ التسجيل: Apr 2010
المشاركات: 12,093
المواضيع:
افتراضي رد: ملف كامل لجميع انواع التورتات بالحشو و التزيين بالصور

     
 
تسلميييييييين ياا رب ياسمين
شكـــراا
التوقيعلا يوجد توقيع لهذا العضو
ريـ الحجازــم غير متواجد حالياً   رد مع اقتباس
إنشاء موضوع جديد إضافة رد
كاتب الموضوع lovelyjess مشاركات 3 المشاهدات 53301  مشاهدة صفحة طباعة الموضوع | أرسل هذا الموضوع إلى صديق | الاشتراك انشر الموضوع

مواقع النشر (المفضلة)

الكلمات الدلالية (Tags)
لجميع, التزيين, التورتات, انواع, بالحشو, بالصور, كامل

مواضيع ذات صله الفطائر والبيتزا


أدوات الموضوع
انواع عرض الموضوع

الانتقال السريع

المواضيع المتشابهه للموضوع: ملف كامل لجميع انواع التورتات بالحشو و التزيين بالصور
الموضوع كاتب الموضوع المنتدى مشاركات آخر مشاركة
ملف كامل لتزيين التورتات والجاتوهات بالصور داليا مودي الحلويات 8 10-09-2011 10:08 PM
عجينتي السريعة لجميع انواع الفطائر و البيتزا بالصور hala_2007 المعجنات والمخبوزات 5 12-19-2010 08:07 PM
ملف شامل لجميع انواع التوابل وجميع الخلطات بالصور لؤلؤة مارس وصفات المطبخ 5 07-21-2010 06:14 PM
الملف الشامل لجميع انواع الحلويات بالصور صباح الحلويات 11 07-19-2010 12:13 AM
ملف كامل لجميع انواع البيجامات ايودة2008 قمصان نوم و ملابس البيت 16 05-16-2010 11:33 PM

سيدات مصر ازياء ازياء محجبات عبايات لانجيري مكياج ديكور تريكو تسريحات فساتين غرف نوم كوش مكياج عرايس اكسسورات انتريهات وصفات طبخ

facebook

RSS RSS 2.0 XML MAP HTML

الساعة الآن 03:16 PM


Powered by vBulletin® Copyright ©2000 - 2014, Jelsoft Enterprises
التعليقات المنشورة لا تعبر عن رأي موقع سيدات مصر ولا نتحمل أي مسؤولية قانونية حيال ذلك (ويتحمل كاتبها مسؤولية النشر)
This Forum used Arshfny Mod by islam servant
أضف اعجاب لسيدات مصر